ഓയൂര്‍: യോഗക്ഷേമസഭ പൂയപ്പള്ളി കാറ്റാടി സൗപര്‍ണ്ണിക സ്വയംസഹായസംഘം
വനിതാദിനം സ്ത്രീരക്ഷാദിനമായി ആചരിച്ചു. യോഗക്ഷേമസഭ ജില്ലാ വനിതാസഭാ
പ്രസിഡന്റ് രമാദേവി പരിപാടി ഉദ്ഘാടനം ചെയ്തു. സ്ത്രീ സ്വാതന്ത്ര്യം
അര്‍ഹിക്കുന്നില്ല എന്ന് പറഞ്ഞിരുന്ന കാലഘട്ടത്തിലും സ്ത്രീക്ക് പൂര്‍ണ
സുരക്ഷിതത്വം ഉറപ്പാക്കാന്‍ അന്നത്തെ സമൂഹം ശ്രദ്ധിച്ചിരുന്നതായി ഉദ്ഘാടക
പറഞ്ഞു. സ്ത്രീ-ഇന്ന് എന്ന പ്രമേയം ഗായത്രീദേവി അവതരിപ്പിച്ചു.
എന്‍.ശകുന്തള ചര്‍ച്ചയില്‍ പങ്കെടുത്ത് സംസാരിച്ചു. സ്വയംസഹായസംഘം
പ്രസിഡന്റ് ശ്രീപ്രഭ അധ്യക്ഷത വഹിച്ചു. സുവര്‍ണ്ണനി പാര്‍വമംഗലം നന്ദി
പറഞ്ഞു.
