Posted on: 08 Feb 2013
മഞ്ചേരി: സമുദായ സംഘടനാ നേതാക്കള്‍ സ്പര്‍ധ വളര്‍ത്തുന്ന പ്രസ്താവനകളില്‍നിന്ന് ഒഴിഞ്ഞുനില്‍ക്കണമെന്ന് യോഗക്ഷേമസഭ സംസ്ഥാന ജനറന്‍ സെക്രട്ടറി ടി.ആര്‍. വല്ലഭന്‍ നമ്പൂതിരിപ്പാട് പറഞ്ഞു. രാഷ്ട്രീയ പ്രശ്‌നങ്ങളില്‍ അമിതമായ ഇടപെടലുകള്‍ ആശാസ്യമല്ലെന്നും യോഗക്ഷേമസഭ മലപ്പുറം ജില്ലാ കമ്മിറ്റിയുടെ നേതൃത്വപഠന ശിബിരം ഉദ്ഘാടനം ചെയ്തുകൊണ്ട് അദ്ദേഹം പറഞ്ഞു. എന്‍.എസ്.എസ്. ജനറല്‍ സെക്രട്ടറിയുടെ ബ്രാഹ്മണാക്ഷേപമടക്കമുള്ള പല പ്രസ്താവനകളും വസ്തുതകള്‍ മനസ്സിലാക്കാതെയുള്ളവയാണെന്നും അവയൊന്നും മാപ്പ് അര്‍ഹിക്കുന്നതല്ലെന്നും സംസ്ഥാന ജോ. സെക്രട്ടറി എം.പി. സുബ്രഹ്മണ്യന്‍ നമ്പൂതിരി പറഞ്ഞു. ജില്ലാ പ്രസിഡന്റ് കൈപ്പള്ളി നീലകണ്ഠന്‍ നമ്പൂതിരി അധ്യക്ഷത വഹിച്ചു. ജില്ലാ നിരീക്ഷകന്‍ പി.എന്‍. രുദ്രന്‍ നമ്പൂതിരി, രാജന്‍ കുറുവ എന്നിവര്‍ ക്ലാസ്സെടുത്തു.
